Nókis qalasında jaylasqan Milliy gvardiyanıń Qaraqalpaqstan Respublikası aymaqlıq oqıw orayındaǵı Milliy gvardiya Shabandozlar mektebiniń jumısı menen jaqınnan tanısıw maqsetinde “Euronews” telekanalınıń Ózbekstandaǵı wákilleri keldi.
Sapar dawamında miymanlarǵa Shabandozlar mektebinde atlar hám sportshılar ushın jaratılǵan zamanagóy sharayatlar, oqıw-shınıǵıw processleri, atlardı baǵıw sisteması tolıq kórsetildi.
Sonday-aq, mektep tárbiyalanıwshıları tárepinen at sportınıń túrli baǵdarları boyınsha kórgizbeli shıǵıwlar shólkemlestirilip, shabandozlıq sheberligi kórsetildi.
Bul ilaj Milliy gvardiya sistemasında at sportın rawajlandırıw, jas áwladtı usı baǵdarǵa keńnen tartıw hám milliy at sportı dástúrlerin xalıqaralıq kólemde úgit-násiyatlawǵa xızmet etetuǵını atap ótildi.

Qaraqalpaqstan xabar agentligi