Pedagogikalıq sheberlik hám xalıqaralıq bahalaw ilimiy-ámeliy orayınıń delegaciyası AQShta ETS (Educational Testing Service) tárepinen shólkemlestirilgen xalıqaralıq sammitke qatnastı.
Ilaj juwmaqları boyınsha Oray hám ETS arasında óz-ara birge islesiw haqqında memorandumǵa qol qoyıldı. Hújjette keleshektegi birge islesiwdiń tiykarǵı baǵdarları belgilenip, tájiriybe almasıw, ilimiy-izertlew jumısların jolǵa qoyıw hám bahalaw sistemasın jetilistiriw máseleleri qamtıp alındı.
Sonday-aq, Oray delegaciyası ETS tárepinen shólkemlestirilgen 4 kúnlik oqıw-trening baǵdarlamalarında qatnasıp, onı tabıslı juwmaqladı. Oqıw sabaqları dawamında zamanagóy bahalaw kózqarasları, testologiya, ilimiy-izertlew tiykarında bahalaw sisteması hám imtixanlardıń qáwipsizligin támiyinlew máseleleri dodalandı.
Maǵlıwmat ornında atap ótiw kerek, ETS bilimlendiriwdi bahalaw tarawında dúnyadaǵı eń iri hám abıraylı shólkemlerden biri esaplanıp, bir qatar xalıqaralıq imtixanlardı islep shıǵadı hám ámeliyatqa engizedi. Bul birge islesiw milliy bahalaw sistemasın xalıqaralıq standartlarǵa beyimlestiriwde úlken áhmiyetke iye bolıwı kútilmekte.

Muhayyo Toshqoraeva, ÓzA