Buxara mámleketlik universitetinde matematika páninen BIMO-2026 hám ximiya páninen BICHO-2026 xalıqaralıq pán olimpiadaları bolıp ótti.
Oǵan elimizde jaylasqan 50 joqarı oqıw ornı, sonday-aq, 10 nan aslam sırt mámleketlerden ulıwma 500 den aslam jaslar qatnastı.
Xalıqaralıq pán olimpiadaları studentlerdiń usı pánler boyınsha bilim hám potencialın kórsetiwi ushın áhmiyetli maydan esaplanıp, Berdaq atındaǵı Qaraqalpaq mámleketlik universitetiniń Matematika fakulteti dekanı J.Seypullaev hám Ximiya-texnologiya fakulteti dekanı M.Ayımbetovlar basshılıǵında qábiletli student-jaslar óz bilimlerin sınaqtan ótkerdi hám joqarı nátiyjelerge eristi. Atap aytqanda, ximiya páninen ótkerilgen olimpiadada 1-kurs magistrantı Maxmudjan Nurıllaev 2-orındı iyelep, gúmis medal, 4-kurs studenti Nozima Yodgarova sıylı 3-orındı iyelep, qola medalı menen sıylıqlandı. Al, matematika boyınsha Indira Satniyazova, Damir Dilmuratov hám Sunkat Maksatov eń joqarı nátiyje menen altın medallardı qolǵa kirgizgen bolsa, Dáwranbek Qurbanbaev sıylı 3-orındı iyeledi hám qola medalı menen sıylıqlandı.
Álbette, bunday jetiskenlikler tek ǵana universitettiń abırayın joqarılatıw emes, al jaslarımızdıń intellektuallıq potencialı hám ilimge bolǵan qızıǵıwshılıǵın jáne de bekkemlewge xızmet etti.

Adilbay Orazov,
Qaraqalpaqstan xabar agentligi sholıwshısı