Ózbekstan Respublikası Ministrler Kabinetiniń qararı (28.01.2026 j. 32-san) menen ayırım kategoriyadaǵı studentlerdiń mámleketlik joqarı bilimlendiriw shólkemleri studentler turaq jaylarında (STJ) jasaw qárejetlerin Mámleketlik byudjet esabınan qaplap beriw tártibi tastıyıqlandı.
Bul jeńillikten “Sociallıq reestr”ge kirgizilgen shańaraqlardıń kúndizgi tálim formasında bilim alıp atırǵan perzentleri paydalanıwı múmkin. Tólemler student grant yamasa kontrakt tiykarında oqıwına qaramastan ámelge asırıladı.
Qararǵa bola, studentler STJǵa ústinlik tiykarında, gezeksiz qabıl etiledi. Eger mámleketlik jataqxana bolmasa, studentler mámleketlik-jeke menshik sheriklik tiykarında qurılǵan turaq jaylarǵa ornalastırılıwı múmkin. Tólemler hár aydıń 15-sánesine shekem studenttiń bank plastik kartasına ótkerip beriledi.

Qaraqalpaqstan xabar agentligi