Ukraina-Rossiya kelispewshiligin saplastırıwǵa qaratılǵan sóylesiw juwmaǵında tikkeley eki tárepleme shártnama emes, al eki mámlekettiń AQSh penen óz aldına kelisimine qol qoyılıwı rejelestirilmekte. Bul haqqında Ukraina sırtqı isler ministri Andrey Cibiga “Evropeyskaya pravda” basılımına bergen intervyuinde málim etti.
Onıń sózlerine bola, házir dodalanıp atırǵan 20 bántten ibarat tiykarǵı hújjet Ukraina-AQSh hám AQSh-Rossiya formatında tastıyıqlanadı. Kiev-Moskva tikkeley kelisiminiń máselesi kún tártibinde joq.
Evropa processten shette qalmaydı
Ukraina SIM basshısınıń atap ótiwinshe, Evropa mámleketleri bul hújjetlerge qol qoymaǵan bolsa da, qáwipsizlik kepilligi boyınsha sóylesiwde qatnaspaqta. Házirgi waqıtta birinshi márte rásmiy túrde “Qáwipsizlik kepilligi” ataması qollanılıp atır. Bul siyasiy jaqtan áhmiyetli ózgeris esaplanadı. Sibiga AQSh áskerleri Ukraina aymaǵına tınıshlıq saqlawshı kúsh sıpatında jaylastırılmaytuǵının da qosımsha etken.
Eń qıyın másele – aymaqlar hám Zaporoje AES
Sóylesiw waqtında sheshilmegen eki tiykarǵı másele bar: aymaqlardıń táǵdiri hám Zaporoje atom elektr stanciyasınıń statusı. Ukraina SIM basshısınıń aytıwınsha, bul mashqalanı sheshiw ushın Ukraina Prezidenti Vladimir Zelenskiy Rossiya Prezidenti Vladimir Putin menen jeke ushırasıwǵa tayar.
AQSh kepillikti Donbass penen baylanıstırmaqta
“Financial Times” basılımınıń jazıwınsha, AQSh hákimshiligi Kievke qáwipsizlik kepilligi Ukraina Donbasstıń bir bólegin Rossiya qadaǵalawına ótkeriwge razı bolıwına baylanıslı ekenin ashıq aytqan. Ayırım derekler Bul kelisimniń esabınan Amerika tárepinen Kievke qosımsha áskeriy járdem de usınıs etilgen. Kiev rasmiyleri bolsa ayni masalaga ochiq izoh berishdan tiyildi. Ayrım ukrainalı hámeldarlardıń pikirinshe, AQSh kepillik arqalı Kievti qıyın siyasiy kelisimge shaqırıwǵa háreket etpekte.
Vashington ushın sońǵı múddet – 15-may
Joqarǵı Rada deputatı Aleksey Goncharenko urıstı toqtatıw boyınsha kelisimge 15-mayǵa shekem qol qoyılıwı kútilip atırǵanına itibar qaratqan. Yaǵnıy, bul sáne Vashington ushın rásmiy emes shegara esaplanadı. Eger usı múddetke shekem nátiyje bolmasa, AQSh sóylesiwlerden shıǵıp ketiwi de múmkin eken. Sóylesiwler dawam etedi.

Qaraqalpaqstan xabar agentligi