Qıtaydıń Czyansu provinciyasında elektr energiyasın qısılǵan hawa arqalı saqlaytuǵın dúnyadaǵı eń iri obekt iske qosıldı. Mámlekettiń energetika qáwipsizligin támiyinlew hám infrastrukturanı rawajlandırıwǵa salmaqlı úles qosatuǵın bul kompleks “Harbin Electric Corp.” qatnasıwında qurıldı.
Quwatlılıǵı 600 MVt bolǵan, 2400 MVt-saat elektr energiyasın islep shıǵarıw imkaniyatına iye bul qurılma shama menen 600 000 shańaraqtıń jıllıq talabın qaplay aladı. Taraw qánigeleri bunday obektler sanaat kóleminde energiyanı saqlaw ushın eń únemli hám shıdamlı sheshim ekenin atap ótpekte.
Stanciyanıń jumıs usılı aymaqtıń tábiyǵıy ózgesheligine tiykarlanǵan:
Túnde tarmaqtaǵı artıqsha elektr energiyası járdeminde hawa arnawlı jer astı úńgirine qısıp saqlanadı. Kúndiz toplanǵan hawa qayta shıǵarılıp, turbinalardı háreketke keltiredi hám turaqlı elektr energiyası tutınıwshıǵa jetkerip beriledi.
Ulıwma, QXRda qayta tikleniwshi energiya derekleriniń keńnen engiziliwi esabınan energiyanı saqlaw jedel ǵalabalaspaqta. Rásmiyler tarawdı bunnan bılay da rawajlandırıw boyınsha úlken maqsetlerdi belgilep alǵan. Rejege bola, 2027-jılǵa shekem sistemaǵa 180 GVt dan aslam jańa quwat qosılıwı kútilmekte.

F.YaXShIBOEVA, ÓzA