Usı jıldıń 1-fevralınan “Baslamalı byudjet” procesiniń 2026-jılǵı birinshi máwsimi start aladı. Bul máwsim joybar engizilgennen berli ótkerilip atırǵan onınshı – yubiley máwsim esaplanadı.
Máwsim sheńberinde processler bir neshe basqıshta shólkemlestiriledi.
Atap aytqanda, 1-20-fevral kúnleri puqaralar tárepinen joybarlar kirgiziledi.
21-fevraldan 7-martqa shekem usınılǵan joybarlar tańlap alıw basqıshınan ótkeriledi.
8-10-mart kúnleri úgit-násiyat jumısları alıp barıladı,
11-20-mart kúnleri bolsa dawıs beriw procesi ámelge asırıladı.
Sonday-aq, 21-31-mart kúnleri qosımsha jeńimpazlardıń anıqlanıwı rejelestirilgen.
Maǵlıwmat ushın, dástúriy dawıs beriw basqıshınıń juwmaqlarına bola jeńimpaz joybarlar 21-mart – Nawrız bayramı kúni járiyalanadı.

Qaraqalpaqstan xabar agentligi