2026-jıl 1-yanvar jaǵdayına bola, Ózbekstanda turaqlı xalıq sanı 38 million 236,7 mıń adamdı quradı. Demografiyalıq quramda er adamlardıń salmaǵı biraz ústin bolıp, olar 19 million 257,7 mıń adam yamasa 50,4 procentti quraydı. Hayal-qızlardıń sanı bolsa 18 million 979 mıń bolıp, ulıwma xalıqtıń 49,6 procentine tuwra keledi.
Xalıqtıń aymaqlar boyınsha bólistiriliwinde qala hám awıl ortasındaǵı qatnas derlik teń. Qalalarda 19 million 471,7 mıń xalıq jasap atırǵan bolsa, awıl xalqı 18 million 765 mıńdı quramaqta.
Shańaraqlıq jaǵday boyınsha kórsetkishlerge itibar qaratılsa, 2025-jıl dawamında mámlekette 267,1 mıń neke dizimge alınǵan. Sonıń menen birge, 46,9 mıń neke biykar etilgenligi baqlanǵan.
Sırtqı migraciya processlerinde bolsa sanlardaǵı ayırmashılıqlar júdá úlken. Esap beriw dáwirinde Ózbekstanǵa 1 mıń 159 adam kóship kelgen bolsa, 10 mıń 117 puqara mámleketti taslap ketken.

Hamroz Bayanov, ÓzA