Taxtakópir rayonı hákimliginiń májilisler zalında awıl-aymaqlardıń kúndelikli turmısında belsendilik hám juwapkershilik penen jumıs alıp barıp atırǵan kóshe biyleri arasında ótkerilgen “Eń úlgili kóshe biyi” tańlawınıń rayonlıq basqıshı jeńimpazların sıylıqlawǵa baǵıshlanǵan saltanatlı ilaj bolıp ótti.
Ilajda Qaraqalpaqstan Respublikası Joqarǵı Keńesiniń komitet baslıǵı Sh.Ótemisov, rayon hákiminiń orınbasarı Sh.Bekturǵanov, tiyisli taraw juwapkerleri hám kóshe biyleri qatnastı.
Máresimde máhállelerde tınıshlıq hám tatıwlıqtı támiyinlew, xalıq penen tıǵız birge islesiw, sociallıq mashqalalarǵa biypárwa bolmastan, olardıń sheshimin tabıwda kóshe biyleriniń atqarıp atırǵan biyminnet xızmetleri ayrıqsha atap ótildi.
Ilajda “Eń úlgili kóshe biyi” tańlawınıń rayonlıq basqıshında jeńimpaz bolǵan 3 kóshe biylerine 5 million sum, 14 máhálleniń kóshe biyleri 1 million sum aqsha menen xoshametlendi.

Adilbay Orazov,
Qaraqalpaqstan xabar agentligi sholıwshısı