Qurılıs hám turaq jay kommunallıq xojalıǵı tarawında qadaǵalaw inspekciyası tárepinen 2025-jılı ámelge asırılǵan jumıslar boyınsha málimleme berildi. Sonıń ishinde, respublika kóleminde jámi 26 mıń 804 qurılıs obektinde alıp barılıp atırǵan qurılıs-montajlaw jumısları mámleketlik qadaǵalawǵa alınǵan.
Bul obektlerde aymaqlıq qadaǵalaw inspekciyalarınıń xızmetkerleri tárepinen 370 mıń 676 márte qadaǵalaw hám monitoring ilajları ótkerildi. Sonday-aq, 2025-jıl dawamında aymaqlıq inspekciyalar tárepinen 24 mıń 671 kóp kvartiralı turaq jaydıń texnikalıq jaǵdayı úyrenildi.
Úyreniwler nátiyjesinde 7 mıńǵa shamalas nızambuzıwshılıq jaǵdayı anıqlanıp, olardıń barlıǵın saplastırıw boyınsha májbúriy jazba kórsetpeler berildi hám orınlanıwı qatań qadaǵalawǵa alındı. Anıqlanǵan nızambuzıwshılıq jaǵdaylarınıń 4 mıńǵa shamalası ıqtıyarlı túrde saplastırıldı, 3 mıńnan aslam jaǵday boyınsha hákimshilik járiymalar qollanıldı.
Sonıń menen birge, 2 mıńǵa shamalas jaǵday boyınsha sud uyımlarına dawa arzaları kirgizildi. Bunnan tısqarı, 2025-jıl dawamında ishimlik hám aqaba suw tarmaqlarına 5 mıń 745 nızamsız jalǵanıw jaǵdayı anıqlanıp, barlıq jaǵdaylar boyınsha nızamshılıqqa muwapıq hákimshilik járiyma ilajları kórildi hám olardı saplastırıw boyınsha tiyisli jumıslar ámelge asırıldı.

Sh.Mamaturopova, ÓzA