Ózbekstan Xalıq demokratiyalıq partiyası Qaraqalpaqstan Respublikası Keńesinde “Ózbekstan – 2030” strategiyasınıń tiykarǵı baǵdarlarınıń mazmun-mánisin jaslar arasında túsindiriwge baǵıshlanǵan dógerek sáwbeti bolıp ótti.
Ilajda “Ózbekstan – 2030” strategiyasın jetilistiriw, onda turaqlı ekonomikalıq ósiw, jańasha bilimlendiriw, medicina hám sociallıq qorǵaw sistemasın shólkemlestiriw, bántlikti támiyinlew, qolaylı ekologiyalıq sharayatlardı jaratıw máseleleri boyınsha maǵlıwmat berildi.
Sonıń menen birge, ilaj qatnasıwshıları texnologiya hám sanaattıń jedel rawajlanıwı, “jasıl ekonomika”ǵa ótiw, sanlı transformaciya, jasalma intellekt hám kiberqáwipsizlik tarawlarınıń áhmiyetliligi boyınsha óz-ara pikir almastı.
Ilajda jaslar tárepinen bildirilgen bir qatar usınıslar usı jerdiń ózinde uzbekistan2030.uz platformasına kirgizildi.

Qaraqalpaqstan xabar agentligi.