“Aymaqlıqgaztámiynatı” akcionerlik jámiyeti ekologiyalıq menedjment hám miynetti qorǵaw tarawındaǵı ISO 14001:2015 hám ISO 45001:2018 xalıqaralıq standartları boyınsha muwapıqlıq sertifikatların qolǵa kirgizdi. Bul jámiyettiń jumısında xalıqaralıq talaplar tiykarında basqarıw sistemaları engizilgenligin kórsetedi.
“MANAGEMENT CERTIFICATION” JShJ tárepinen ótkerilgen kompleksli audit nátiyjelerine bola, shólkemniń qorshaǵan ortalıqqa unamsız tásirdi azaytıw, ekologiyalıq qáwip-qáterlerdi basqarıw, sonday-aq, barlıq dárejelerde xızmetkerler ushın qáwipsiz hám salamat miynet sharayatların támiyinlew boyınsha ámelge asırıp atırǵan jumısları xalıqaralıq talaplarǵa muwapıq, dep tabıldı.
ISO 14001 hám ISO 45001 standartları tiykarında integraciyalasqan basqarıw sistemasınıń engiziliwi tábiyǵıy resurslardan aqılǵa uǵras paydalanıwdı támiyinlew, ekologiyalıq turaqlılıqtı kúsheytiw hám óndiris processlerinde miynet qáwipsizligin bunnan bılay da jetilistiriw imkaniyatın beredi.
Jámiyet juwapkerleriniń atap ótiwinshe, bul xalıqaralıq sertifikatlar nátiyjelilikti arttırıw, tutınıwshılar hám birge islesiwshiler arasında isenimdi bekkemlew, sonday-aq, gaz támiynatı tarawındaǵı iri infrastrukturalıq joybarlardı ámelge asırıwda qosımsha imkaniyatlar jaratadı.

N.Ziyodullaeva, ÓzA