Nókis qalasında Respublika mákemeleraralıq muwapıqlastırıwshı keńestiń májilisi bolıp ótti. Onda Qaraqalpaqstan Respublikası Ministrler Keńesi baslıǵı F.Ermanov, Qaraqalpaqstan Respublikası prokurorı Sh.Aminov, Ishki isler, Milliy gvardiya, tiyisli ministrlik hám uyımlardıń basshıları, Respublika mákemeleraralıq muwapıqlastırıw shtabı aǵzaları, rayon (qala) hákimleri, aymaqlıq prokurorlar hám ishki isler uyımları basshıları, aymaqlıq shtab hám jumısshı toparlarınıń aǵzaları, barlıq máhállelerdegi máhálle jetilikleri qatnastı.
Májiliste máhállelerde qáwipsiz ortalıqtı jaratıw hám huqıqbuzarlıqlardıń aldın alıw sisteması nátiyjeliligin artırıwǵa baylanıslı qararlar orınlanıwı ahwalı, usı tarawda ámelge asırılǵan jumıslar hám juwapker basshılardıń kriminogen jaǵdaydı turaqlastırıwda erisken nátiyjeleri dodalandı.
Juwapkerlerge sociallıq profilaktika jumısların nátiyjeli shólkemlestiriw, jaslardı tolıq xatlawdan ótkerip, sociallıq turmıslıq mashqalaların úyreniw, shańaraq-turmıs múnásibetler sheńberinde hám hayallar tárepinen islengen jınayatlardıń kelip shıǵıw sebep hám omillarin anıqlap, saplastırıwdıń nátiyjeli ilajların kóriw, xalıqtıń bántligin támiyinlewde júzegóylikke jol qoymaw sıyaqlı wazıypalar belgilep berildi.
Prokurorlarǵa balalar máseleleri boyınsha arnawlı komissiya, Ishki isler, atalıq hám qáwenderlik organlarınıń jumısı, medicina birlespelerinde náshebentler hám spirtli ishimlikke berilgen shaxslardı dizimge alıw, emlew processlerin tolıq úyreniw boyınsha múddeti belgilengen tapsırmalar berildi.

Qaraqalpaqstan xabar agentligi.