Sońǵı jılları elimizde Prezidentimiz basshılıǵında jaslarǵa qaratılıp atırǵan itibar mámleketlik siyasattıń baslı baǵdarlarınıń birine aylanıp, usı tiykarda olardıń óz qábiletin júzege shıǵarıwı, tereń bilim iyelewi, ozıq oylı hám ana Watanımızǵa sadıq xızmet etetuǵın pidayı insanlar bolıp kamalǵa keliwine barlıq imkaniyatlar jaratılmaqta. Bul baǵdarda orınlarda basshı hám jaslar ushırasıwları shólkemlestirilip, olardıń tilek-ótinishlerin tıńlaw jumısları sistemalı túrde jolǵa qoyılǵan.
Usınday ushırasıwlardıń biri Nókis qalasındaǵı «Aq quw» kompleksinde ótkerilip, onda Ózbekstan Respublikası Ishki isler ministri general-leytenant Aziz Tashpulatovtıń Qaraqalpaqstanlı jaslar menen ushırasıwı ótkerildi.
Ilajda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, húrmetli Prezidentimizdiń Qaraqalpaqstanǵa sonıń ishinde, qaraqalpaqstanlı jaslarǵa bolǵan ayrıqsha itibarı haqqında keń túrde atap ótti.
Ashıq-aydın pikirlesiw tárizinde ótkerilgen ushırasıwda jaslar ózleriniń elimizdiń rawajlanıwı jolında xızmet etetuǵın bir qatar jańa ideyaları hám baslamaların bildirdi. Ilajda bildirilgen barlıq pikirler esapqa alınıp, atap ótilgen mashqalalarǵa óz ornında sheshim tabıw ilajları kórildi hám jaslardıń barlıq iygilikli baslamaları qollap-quwatlanatuǵınlıǵı ayrıqsha tilge alındı.
Ótkerilgen ushırasıw dawamında elimizde huqıqbuzarlıqtıń aldın alıw baǵdarında belsendilik kórsetip atırǵan bir qatar jaslar shólkemlestiriwshiler tárepinen múnásip xoshametlendi.

Qaraqalpaqstan xabar agentligi