Usı jıldıń 24-27-yanvar kúnleri paytaxtımız Tashkentte Aziya olimpiada keńesiniń (OCA’) gezektegi 46-Bas assambleya májilisi bolıp ótedi.
Materiktiń 45 ke shamalas mámleketinen 350 den aslam sport basshıları, onlaǵan xalıqaralıq sport shólkemleriniń juwapkerleri, Xalıqaralıq olimpiada komitetiniń atqarıw komiteti aǵzaları qatnasıwında ótetuǵın usı ilajdı joqarı dárejede shólkemlestiriwge baǵıshlanǵan májiliste tayarlıq jumısları dodalandı.
Sport ministrligi, Ekonomika hám qarjı ministrligi jáne Milliy olimpiada komitetiniń basshıları, sport federaciyaları hám associaciyalarınıń juwapkerleri qatnasıwındaǵı májiliste xalıqaralıq áhmiyetke iye ilajlardı belgilengen talaplar tiykarında qarjılandırıw, ajıratılıp atırǵan byudjet qarjılarınan maqsetli hám nátiyjeli paydalanıw, sonday-aq, bul processler ústinen qadaǵalawdı kúsheytiw máselelerine ayrıqsha itibar qaratıldı.
Sonıń menen birge, Aziya olimpiada keńesi Bas assambleyasına keletuǵın joqarı mártebeli miymanlardı múnásip kútip alıw, shólkemlestiriw, málimleme hám qáwipsizlik máselelerin muwapıqlastırǵan halda ámelge asırıw baǵdarındaǵı tiykarǵı wazıypalar belgilep alındı.

T.Rwziev, ÓzA