Ámeldegi tártipke bola, talaban Ǵalaba xabar quralları ushın kontent tayarlaw orayında hár úsh jılda bir márte attestaciyadan ótiwi shárt.
Usı jıldıń 22-yanvarında “Mámleketlik uyımlar hám shólkemlerdiń málimleme xızmeti basshıların attestaciyadan ótkeriw hám olardıń jumıs nátiyjeliligin bahalaw tártibi haqqında”ǵı reje Ádillik ministrliginde mámleketlik dizimnen ótkerilgenin hám onda bir qatar wazıypalar belgilep qoyılǵanın atap ótiw kerek.
Oǵan bola, talabanlardı attestaciyadan ótkeriw ushın Oray direktorınıń buyrıǵı menen keminde 7 adamnan ibarat Attestaciya komissiyası dúziledi. Komissiya attestaciyadan ótiw múddeti kelgen talabanlardıń dizimin usınıw boyınsha mámleketlik uyımlar hám shólkemlerge múrájat etedi.
Komissiya tárepinen talabanlardıń anketası 10 kún ishinde hár tárepleme úyrenip shıǵılıp, attestaciyadan ótetuǵın talabanlardıń dizimi tastıyıqlanadı.
Attestaciya 2 ay ishinde bolıp ótedi, 5 soraw hám ámeliy sınaqlardan ibarat awızsha sáwbet túrinde ótkeriledi. Attestaciya ótkeriw waqtında talabannıń sáwbet nátiyjeleri 5 ballıq sistemada bahalanadı. Bunda keminde 4 ball menen bahalanǵan talaban attestaciyadan ótken dep tabıladı hám oǵan attestaciyadan ótkenligi haqqındaǵı gúwalıq beriledi.

Muhayyo Toshqoraeva, ÓzA