Bul haqqında “Uzbekistan Airports” baspasóz xızmeti xabar berdi.
Xabarda atap ótiliwinshe, 2025-jıldıń juwmaqlarına bola, “Uzbekistan Airports” jolawshılar aǵımı, aviareysler sanı hám júk tasıw kóleminde turaqlı ósiwdi atap ótti.
Yanvar-dekabr aylarında mámleket aeroportları jámi 128 mıń 972 aviareyske xızmet kórsetti. Bul kórsetkish 2024-jılǵa salıstırǵanda 14 procentke kóp. Sonnan 92 mıń 480 reys xalıqaralıq, 36 mıń 492 reys ishki jónelislerde ámelge asırıldı.
Jıl dawamında Ózbekstan aeroportları arqalı 15,5 million jolawshı sapar etti. Bul ótken jılǵa salıstırǵanda 15 procentlik ósiwdi quraydı. Jolawshılardıń 12,7 millionı xalıqaralıq, 2,8 millionı bolsa ishki reyslerdiń úlesine tuwra keldi.
Júk tasıw tarawında da unamlı dinamika saqlanıp qaldı. 2025-jılı aeroportlar arqalı 98 mıń 137 tonna júk hám pochta tasılǵan bolıp, bul ótken jılǵa salıstırǵanda 12 procentke kóp.
Sonday-aq, ótken jılı Ózbekstan aeroportlarına tórt jańa xalıqaralıq aviakompaniya tartıldı. Olardıń arasında Qıtaydıń “Air China” hám “China Eastern”, Koreyaning “T’Way”, sonday-aq, Malayziyanıń “AirAsia” aviakompaniyaları bar.

Sh.Mamaturopova,
ÓzA