Puqaralıq isleri boyınsha Nókis rayonlar aralıq sudınıń 2025-jılı 17-noyabr kúngi qararına tiykarlanıp qarızdar A.O.dan “Asakabank” AKB paydasına 211,9 million sum óndiriw hám usı óndiriwdi BYD Song Plus markalı elektromobilge qaratıw belgilendi.

Usı sud qararı boyınsha shıǵarılǵan orınlaw hújjeti Májbúriy orınlaw byurosı Qaraqalpaqstan Respublikası Ayrıqsha áhmiyetke iye orınlaw islerin orınlaw bólimi is júrgiziwine kelip túsip, bólim tárepinen orınlaw háreketlerine kirisildi.

Atap aytqanda, bólim mámleketlik orınlawshısı tárepinen qarızdarǵa usı orınlaw hújjetiniń orınlanıwın támiyinlew ushın 15 kúnlik ıqtıyarlı múddet berilip, sud qararınıń orınlanıwın támiyinlemew aqıbetleri túsindirildi.

Soǵan qaramastan, qarızdar orınlamaǵanlıǵı sebepli, kreditke alınǵan avtomashina bólim mámleketlik orınlawshısı tárepinen tiyisli tártipte xatlawǵa alınıp, usı jıldıń 18-yanvar kúni elektron onlayn-aukcion sawda maydanshası arqalı satıwǵa shıǵarıp jiberildi.

Qaraqalpaqstan xabar agentligi.