Qaǵıydabuzar M.A. tanısına tiyisli “LACETTI” markalı avtomashinanı Nókis qalası «Kattagar jaǵası» kóshesinde basqarıp kiyatırıp, burılıw qaǵıydalarına ámel etpesten “COBALT” markalı avtomashinaǵa jol bermesten soqlıǵısıp, avtoavariya júz bergenligi aqıbetinde usı avtomashinalarǵa jámi 71,6 million sum materiallıq zıyan jetkeredi.
Jetkerilgen zıyanlardı óndiriw haqqında Jınayat isleri boyınsha Nókis qalalıq sudı tárepinen 2025-jılı 14-oktyabr kúni qarar qabıl etildi.
Usı sud qararına tiykar Májbúriy orınlaw byurosı Nókis qalalıq bólimi mámleketlik orınlawshısı tárepinen orınlaw háreketlerine kirisildi.
Atap aytqanda, qarızdarǵa 15 kúnlik múddet ishinde sud qararınıń orınlanıwı támiyinleniwi kerek ekenligi, kerisinshe jaǵdayda qarızdarlıqqa qosımsha orınlaw jıyımı qollanılıwı, sonday-aq, hákimshilik járiymaǵa tartılıwı múmkin ekenligi haqqında túsinik jumısları alıp barıldı.
Nátiyjede, jábirleniwshiler Byuronıń Nókis qalalıq bólimine kelip, jetkerilgen 71 million sumnan aslam materiallıq zıyandı tolıǵı menen alǵanlıǵı haqqında bildirgen.

Qaraqalpaqstan xabar agentligi