Beruniy rayonı Palvash máhállesi aymaǵında isbilermen Feruza Isakova 35 jıldan berli ıssıxanada gúl jetistiriw menen shuǵıllanıp kelmekte. Bul ıssıxanada aldınǵı agrotexnologiyalar tiykarında gúllerdiń 30 dan aslam túrdegi nálleri jetistirilip, tárbiyalanbaqta.
Íssıxana jumısın keńeytiw maqsetinde Taqıyatas rayonında da jumıs baslaǵan.
– Negizinde kásibim muǵallim. Pensiyaǵa shıqqannan soń gúl tárbiyalawdı izbasarlarıma da úyretip, bul jumıstı ǵalaba en jaydırıw niyetinde edim, – deydi F.Isakova. – Qálemsheden jetistiriw jolların úyrenip, jumıs tájiriybemdi jáne de bekkemledim.
Nátiyjede 10 ǵa shamalas turaqlı jumıs ornı jaratıldı. Ónimler ishki bazarǵa turaqlı túrde jetkerip berilmekte.
Isbilermen ónim jetistiriwdi kóbeytiw ústinde jumıs alıp barmaqta.

Qaraqalpaqstan xabar agentligi