Bizge belgili, CAMCE – Qıtaydaǵı eń iri injiniring kompaniyalarınan biri bolıp, 70 mámlekette joybarlardı ámelge asıradı. Kompaniya sanaat, infrastruktura hám sociallıq obektlerdi paydalanıwǵa tayar jaǵdayda qurıwǵa qánigelesken. Sonday-aq, onıń ekosistemasında reabilitaciya orayları ushın zamanagóy úskeneler menen tolıq támiyinlewdi óz ishine alǵan tayar sheshimlerdi usınatuǵın birge islesiwshi hám filial kárxanalar bar.
Sociallıq qorǵaw milliy agentligi delegaciyası Pekin qalasında Qıtaydıń iri injiniring korporaciyası – CAMCE baslıǵı mırza Van Bo menen ushırasıw ótkerdi. Ushırasıw dawamında korporaciya baslıǵı Jańa Ózbekstanda ámelge asırılıp atırǵan reformalardı úlken qızıǵıwshılıq penen baqlap atırǵanın, bul processlerde ashıq-aydınlıq, isenim hám rawajlanıw ruwxı anıq sezilip atırǵanın atap ótti.
Sóylesiw dawamında Ózbekstan teń salmaqlı joldı tańlaǵanı, insanǵa ǵamxorlıq hám mámlekettiń rawajlanıwı bir waqıtta alıp barılıp atırǵanı atap ótildi.
Ushırasıwda Birden-bir sociallıq qorǵaw reestri arqalı mánzilli járdem kórsetiw sisteması jáne mayıplıǵı bolǵan balalar ushın mektepke shekemgi bilimlendiriw hám reabilitaciya xızmetlerin birlestirgen “Imkon” orayları Qıtay tárepinde ayrıqsha qızıǵıwshılıq oyattı.
Sóylesiwlerdiń juwmaqlarına bola, tárepler sociallıq qorǵaw sistemasına zamanagóy “aqıllı” sheshimlerdi engiziw, sonday-aq, aldınǵı injiniring texnologiyaları tiykarında reabilitaciya infrastrukturasın jańalaw imkaniyatların úyreniwge kelisip aldı.

Muhayyo Toshqoraeva, ÓzA