Juwapker basshılardıń puqaralardı qabıllaw ilajların shólkemlestirip, olardıń mashqalaların tıńlawı hám sheshimin izlewi orınlardaǵı bar mashqalalardı óz waqtında anıqlaw hám olardı nátiyjeli sheshiwge xızmet etpekte.
Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedova óziniń gezektegi jeke qabıllawın ótkerdi.
Qabıllawda puqaralar tárepinen sociallıq taraw, bántlik, turaq jay, kommunallıq xızmetler, isbilermenlikti rawajlandırıw hám basqa da áhmiyetli máseleler boyınsha múrájatlar bildirildi.
Hár bir múrájat juwapkerlerdiń qatnasıwında hár tárepleme kórip shıǵılıp, olardı sheshiw boyınsha tiyisli ilajlar belgilendi.
Ayırım máseleler ornında unamlı sheshilgen bolsa, qosımsha úyreniwdi talap etetuǵın múrájatlar boyınsha juwapker shólkemlerge anıq tapsırmalar berildi hám olardıń orınlanıwı qadaǵalawǵa alındı.

Qaraqalpaqstan xabar agentligi