Ózbekstan Respublikası Prezidenti janındaǵı Sociallıq qorǵaw milliy agentligi Qaraqalpaqstan Respublikası basqarması baslıǵı S.Daniyarov, baslıq orınbasarı R.Raximov, basqarma sektor baslıǵı B.Ayımbetov , rayonlıq “Insan” sociallıq xızmetler orayınıń direktorı B.Alimov, sonday-aq, bólimniń Ellikqala rayonı xızmetkerleri hám taraw juwapkerleri qatnasıwında usı taraw boyınsha islengen jumıslar úyrenildi.
Ilaj dawamında 2025-jılı xalıqtı sociallıq qorǵaw baǵdarında ámelge asırılǵan jumıslar hám 2026-jılǵa rejelestirilgen tiykarǵı wazıypalar menen tanıstırıldı. Sonıń ishinde, mámleketlik-jeke menshik sheriklik tiykarında shólkemlestirilgen “Kúndizgi tárbiya” xızmeti, kámbaǵal shańaraqlardı qollap-quwatlawǵa qaratılǵan tigiwshilik joybarları, máhállelerde jolǵa qoyılǵan isbilermenlik hám sociallıq xızmetlerdiń nátiyjeliligi úyrenildi.
Juwapkerler sociallıq qorǵawǵa mútáj bolǵan xalıqtı qollap-quwatlaw, olardıń turaqlı dáramat deregine iye bolıwı hám múnásip turmıs dárejesin támiyinlewge qaratılǵan basqa da ilajlar haqqında túsinik berdi.

Qaraqalpaqstan xabar agentligi