Oraylıq bank maǵlıwmatlarına bola, 2025-jıldıń aqırına kelip keń mánistegi pul massası (M2) turaqlı ósiwdi saqlap qaldı. Atap aytqanda, jıl basında 277,1 trillion sumdı quraǵan M2 kólemi jıl aqırına kelip 378,6 trillion sumǵa jetti. Nátiyjede jıllıq esapta 36,6 procentlik ósiw atap ótildi.
Sonıń menen birge, milliy valyutadaǵı pul massası da keńeyip, 220,1 trillion sumnan 309 trillion sumǵa shekem arttı. Aylanıstaǵı naq pullardıń kólemi 2025-jıl dawamında turaqlı ósip, 53,3 trillion sumnan 68,5 trillion sumǵa jetti. Bul kórsetkish jıllıq esapta 28,5 procentlik ósiwdi quradı.
Jıl basına salıstırǵanda milliy valyutadaǵı depozitlerdiń kólemi 24,9 procentke, milliy valyutadaǵı basqa depozitler 55,4 procentke ósti. Sonday-aq, sırt el valyutasındaǵı depozitlerdiń kólemi de milliy valyuta ekvivalentinde esaplaǵanda 22,1 procentke artqan.
Maǵlıwmat ornında aytıw kerek, pul massası (M2) – ekonomikadaǵı pul likvidliginiń áhmiyetli kórsetkishi. Ol naq pullar hám de banklerdegi talap etiletuǵın hám basqa depozitler esabınan payda boladi. Pul massasınıń kóbeyiwi ekonomikalıq jedelliktiń artıwı, xalıq dáramatlarınıń ósiwi hám finans bazarlarındaǵı likvidliliktiń artıwı menen baylanıslı.

Sh.Mamaturopova,
ÓzA