AQSh Prezidenti Donald Tramp Franciya Prezidenti Emmanuel Makronnıń Gaza máselesi boyınsha “Tınıshlıq keńesi”ne qosılıw usınısın biykarlawı artınan keskin bayanat berdi. Tramp Makron keńeske qosılmasa, francuz vinoları hám shampanlarına 200 procentlik bajı engiziliwi menen qáwip tuwdıratuǵının bildirdi. Bul haqqında “Bloomberg” xabar tarqatqan. Tramp Aq úyde jurnalistlerge, sonıń ishinde, bılay dedi: Hesh kim Makrondı keńeste kóriwdi qálemeydi, sebebi ol tez arada lawazımınan ketedi. Franciya vinolarına 200 procent salıq salınadı hám ol bári bir bizge qosıladı.
Amerika jetekshisiniń bul qararı Makron onıń baslamasın qabıl etpeytuǵını haqqında xabar tarqalıwı múnásibeti menen qabıl etilgen. Tramp Franciya basshısınıń xalıqaralıq siyasattaǵı tásiri tómenlegeni, sawda quralları arqalı oǵan basım ótkeriw múmkin ekenin de ashıq aytqan.
Aytpaqshı, prezidentlik múddeti kelesi jılı juwmaqlanatuǵın Makron gezektegi saylawda qatnaspaytuǵının járiyalaǵan.
Franciya húkimeti Tramp usınıs etip atırǵan “Tınıshlıq keńesi” tek Gaza máselesi menen sheklenip qalmawı hám BMSh institutcionallıq principine qayshı keliwi múmkinliginen qáweter bildirgen. Makronǵa jaqın dereklerdiń pikirinshe, Parij ushın BMSh sheńberindegi xalıqaralıq huqıqıy mexanizm dodalanbaytuǵın qádiriyat esaplanadı.
Keńestiń basqa sınshıları Tramptıń qádemin BMShqa alternativ yamasa qarama-qarsı struktura jaratıwǵa urınıw sıpatında bahalamaqta. Olar bul baslama globallıq basqarıw sistemasında jańa qarama-qarsılıq hám keskinlik keltirip shıǵarıwı múmkin ekenligine itibar qaratpaqta.

F.YaXShIBOEVA, ÓzA