Shımbay, Xojeli, Nókis, Qanlıkól, Qońırat, Moynaq hám Shomanay rayonlarında “Qaraqalpaqstannıń degradaciyaǵa ushıraǵan aymaqlarında turaqlı awıl xojalıǵı óndiris sistemaların rawajlandırıw” joybarı sheńberinde fermerler ushın oqıw seminarı juwmaqlandı.
Aralboyı xalıqaralıq innovaciya orayı hám Qaraqalpaqstan diyqanshılıq ilimiy-izertlew institutı menen birgelikte ámelge asırılıp atırǵan Shorlanıw sharayatında biodiyqanshılıq xalıqaralıq orayınıń joybarı Abu-Dabi rawajlanıw qorı (ADFD) tárepinen qarjılandırılǵan seminarlarǵa fermerler, awıl xojalıǵı hayal-qızları hám jaslardan ibarat 1 mıń 600 den aslam qatnasıwshı qamtıp alındı.
Baǵdarlama ámeliy hám ilimiy tiykarlanǵan agrotexnologiyalardı engiziw, topıraqqa islew beriw, tuqımgershilikti jaqsılaw hám jer degradaciyası jáne klimat qáwip-qáterleri sharayatında awıl xojalıǵınıń turaqlılıǵın arttırıwǵa qaratıldı. Seminardı ICBA orayınıń bas direktorı Doktor Tarifa Alzaabi ashıp berdi.
Trening juwmaǵında qatnasıwshılarǵa ámeliy qollanıw ushın tuqımlar tarqatıldı. Bul bolsa regionda turaqlı hám klimatqa beyimlesken awıl xojalıǵı óndirisin rawajlandırıwǵa járdem beredi.

Qaraqalpaqstan xabar agentligi.