Elimizdiń rawajlanıwında infrastruktura, atap aytqanda, jol tarmaǵın bekkemlew áhmiyetli orın iyeleydi. Bul baǵdarda alıp barılıp atırǵan keń kólemli jumıslar aymaqlardıń turmıs sapasın arttırıwǵa xızmet etpekte.
Prezidentimizdiń jol infrastrukturasın rawajlandırıwǵa qaratıp atırǵan itibarı nátiyjesinde respublikamızda jol qurılısı tarawında bir qatar jumıslar ámelge asırılmaqta.
Atap aytqanda, Ámiwdárya rayonında jergilikli áhmiyetke iye 95 V134 Tolqın, Aq altın, Babur APJlar aymaǵındaǵı joldıń 18.5—20-km aralıqlarında 1,5 kilometr uzınlıqta asfalt tóselmekte.
Asfalt tósew jumıslarında 5 arnawlı texnika hám 10 maman jumısshı qatnaspaqta.

Qaraqalpaqstan xabar agentligi