Ózbekstan Ekologiyalıq partiyası frakciyasınıń májilisinde “Ózbekstan Respublikasınıń ayırım nızam hújjetlerine Ózbekstan Respublikasınıń milliy nızamshılıǵın Jáhán sawda shólkeminiń Sanitariyalıq hám fitosanitariyalıq ilajlardı qollanıw boyınsha Kelisimine muwapıqlastırıwdı názerde tutatuǵın qosımshalar hám ózgerisler kirgiziw haqqında”ǵı nızam joybarı ekinshi oqıwda kórip shıǵıldı.
Nızam joybarında názerde tutılıp atırǵan normalar fitosanitariya tarawındaǵı nızam hújjetlerin házirgi kúndegi barlıq xalıqaralıq standartlarǵa muwapıqlastırıwǵa, elimizde jetistirilgen ósimlik ónimleriniń xalıqaralıq sawdada tosqınlıqlarsız háreketleniwine, ósimlikler karantini tarawında huqıqbuzarlıqlardıń aldın alıwǵa xızmet etedi.
Nızam joybarında yuridikalıq tárepler tárepinen fitosanitariyalıq zıyansızlandırıw jumısın licenziya tiykarında ámelge asırıw tártibi, sonday-aq, xalıqaralıq tájiriybe tiykarında fitosanitariyalıq zıyansızlandırıw túrleri belgilenbekte.
Fitosanitariyalıq zıyansızlandırıwdıń zamanagóy usılların engiziw, bul jumıstı yuridikalıq shaxslar tárepinen ámelge asırıw, sonday-aq, awıl xojalıǵı ónimlerin import etiwshiler hám eksport etiwshiler ushın jáne de qolaylı sharayatlar jaratıw názerde tutılmaqta.
Sonıń menen birge, zıyansızlandırıw ilajları insan ómiri hám densawlıǵı, qorshaǵan ortalıq ushın qáwipsiz bolǵan usıllar tiykarında ámelge asırılatuǵını belgilenbekte.

Muhtarama Komilova, ÓzA