Oliy Majlis Nızamshılıq palatasınıń gezektegi májilisi óz jumısın basladı. Onda bir qatar nızam joybarların dodalaw názerde tutılǵan.
Májilis aldınan Nızamshılıq palatasınıń Spikeri N.Ismoilov mámleketimiz turmısında bolıp ótken áhmiyetli waqıyalarǵa toqtap ótti. Atap aytqanda, mámleketimiz jetekshisiniń basshılıǵında Sırtqı isler ministrligi hám sırt eldegi diplomatiyalıq wákilxanalardıń jumısına baǵıshlanǵan videoselektor májilisinde Prezident tárepinen belgilengen wazıypalarǵa toqtap ótti.
– Mámleketimiz basshısı búgingi kúnde dúnya júzi kólemindegi geosiyasiy jaǵdaydı tallap, mámleketimiz sırtqı siyasatınıń tiykarǵı baǵdarların belgilep berdi. Sırt eldegi diplomatiyalıq wákilxanalardıń jumısı tallanıp, ekonomikalıq diplomatiyanı kúsheytiw, ekonomikalıq máplerdi támiyinlew, investiciyalardıń kólemin, turistlerdiń sanın arttırıw máselelerine itibar qaratıldı.
Endi diplomatiyalıq wákilxanalardıń jumısı eksport túsimleri, investiciya tartıw, jańa bazarlar ashıw, turistler aǵımın kóbeytiw hám texnologiyalardı tartıw sıyaqlı kórsetkishler menen bahalanatuǵınına itibar qaratıldı. Elshi endi tek ǵana siyasiy emes, al ekonomikalıq nátiyje ushın da juwapker ekeni qatań belgilendi.

M.Komilova, ÓzA