Qaraqalpaqstan kórkem óner sarayında Qaraqalpaqstan Respublikası Joqarǵı Keńesi hám Ministrler Keńesiniń baslaması menen Nókis rayonı hákimliginiń buyırtpası boyınsha súwretke alınǵan “Biy aǵa” atlı kórkem filmniń premerası bolıp ótti.
Ilajǵa Qaraqalpaqstan Respublikası Joqarǵı Keńesiniń komitet baslıǵı Sh.Ótemisov, Nókis rayonı hákimi Z.Zaytov, “Nuranıy” qorı Qaraqalpaqstan Respublikası bóliminiń baslıǵı T.Abdijabbarov, Ózbekstan máhálleleri associaciyası Qaraqalpaqstan Respublikası basqarmasınıń baslıǵı S.Turmanov hám keń jámiyetshilik wákilleri qatnastı.
Filmniń scenariysi kópshilikke maqul bolıp, onda xalıq kórkem ónerine baylanıslı áhmiyetli waqıyalar orın alǵan.
Ilajda bir qatar aktyor, operator, rejissyorǵa Qaraqalpaqstan Respublikası Joqarǵı Keńesi hám Nókis rayonı hákimligi tárepinen minnetdarshılıq bildirildi.
Qatnasıwshılar hám miymanlar film boyınsha óz pikirlerin bildirip, “Biy aǵa” kórkem filmi joqarı kórkemlilik penen jaratılǵanın atap ótti.

Qaraqalpaqstan xabar agentligi