Tutınıwshılardıń huqıqların qorǵaw tarawı mámleketimizdi sociallıq-ekonomikalıq rawajlandırıwda áhmiyetli orın iyeleydi. Bul taraw ekonomikalıq hám huqıqıy reformalar, institucionallıq túpkilikli ózgerisler, básekini rawajlandırıwdıń ulıwma baǵdarları menen únles túrde jetilistirilmekte.
Qaraqalpaqstan Respublikası tutınıwshılardıń huqıqların qorǵaw jámiyetleri Federaciyasına 2025-jıl dawamında puqaralardan jámi 472 múrájat kelip tústi.
Bul múrájatlardıń 215 i sawda, 13 i elektr támiynatı, 38 i gaz támiynatı, 18 i dári-dármaq, 24 i transport, 10 ı baylanıs (internet), 82 si úy-ruwzıgershilik texnikası, 74 i bolsa basqa tarawlarǵa tuwra keledi. Kelip túsken múrájatlardıń sheshiliwi nátiyjesinde tutınıwshılardıń paydasına jámi 658 million 105 mıń sumnan aslam jetkerilgen zıyan qayta esap-sanaq etip berildi.
Qaraqalpaqstan Respublikası tutınıwshılardıń huqıqların qorǵaw jámiyetleri Federaciyasında, qalalıq hám rayonlıq tutınıwshılardıń huqıqların qorǵaw jámiyetlerinde turaqlı túrde isenim telefonı islep tur.

Qaraqalpaqstan xabar agentligi.