Amerikalı isbilermen Ilon Mask tuwılıw dárejesi Jer júziniń derlik barlıq jerinde júdá tómen ekeni, eger jaǵday ózgermese, pútkil mádeniyatlar, mámleketler joq bolıp ketiw itimalı bar ekeninen eskertti. Aldın ol Qıtaydıń keleshektegi tiykarǵı mashqalası áyne demografiyalıq krizis bolatuǵının aytqan edi.
– Xalıqtıń sanınıń azayıwı Qıtaydıń oǵada awır, uzaq múddetli mashqalası, – dep jazǵan edi milliarder. – Bul Jer júzindegi barlıq mámleketlerge tásir kórsetedi.
Sonday-aq, Mask dekabr ayında jer júzi boylap tuwılıwdıń sezilerli dárejede azayǵanın insaniyat dus kelgen eń qáwipli qáwip, dep atadı.
Bizge belgili, ataqlı isbilermen kóp waqıttan berli insaniyat demografiya mashqalasına dus kelip atırǵanına itibar qaratıp kelmekte.

S.Rahimov, ÓzA