Grenlandiya menen baylanıslı jaǵday sheńberinde Evropa Keńesiniń Prezidenti Antoniu Koshta jaqın kúnlerde ayrıqsha májilis shaqırıw niyetin járiyaladı. Aldın ol EA AQSh Prezidenti Donald Tramptıń Evropanıń bir neshe mámleketine tarif járiyalaǵanına juwap retinde aǵza mámleketlerden ulıwmalıq hújjet tayarlap atırǵanın aytqan edi.
– Sońǵı waqıyalardıń áhmiyetin esapqa alıp, sonday-aq, keleshektegi jaǵdaydı muwapıqlastırıw maqsetinde jaqın arada Evropa Keńesiniń ayrıqsha májilisin shaqırıwǵa qarar ettik, – dep jazǵan Koshta sociallıq tarmaqtaǵı betinde.
“Politiko” basılımı EA rásmiyi hám diplomatqa súyenip, májilis 22-yanvarǵa rejelestirilgenin jazǵan.
Shembi kúni Tramp fevral ayında Daniya, Norvegiya, Shveciya, Franciya, Germaniya, Ullı Britaniya, Niderlandiya hám Finlyandiyaǵa 10 procentlik tarif engiziletuǵının járiyaladı. Bajı iyun ayında 25 procentke shekem kóteriledi hám Qurama Shtatlar Grenlandiyanı satıp alıw boyınsha kelisim dúzilgenge shekem ámel etedi.
Házir Grenlandiya Daniya Patshalıǵınıń quramında. Tramp bolsa ataw Qurama Shtatlar quramına kiriwi kerek ekenin bir neshe márte atap ótken. Daniya hám Grenlandiya rásmiyleri Vashingtondı atawdı iyelewden eskertip, aymaqlıq pútinlikke húrmet etiliwin kútetuǵının atap ótpekte.

S.Rahimov, ÓzA