Ispaniya qublasında joqarı tezlikte ketip baratırǵan eki poezd soqlıǵısıp, keminde 21 adam qaytıs boldı. Kordoba wálayatı Adamuz aymaǵında júz bergen apatshılıq mámleketti lárzege saldı.
Izden shıǵıp ketken poezd qarama-qarsı jóneliste kiyatırǵan sostavqa urılıp, vagonlardı joldan shıǵarıp jibergen. Emlewxanaǵa jatqarılǵan 75 puqaradan 15 i awır jaǵdayda. Rásmiyler qurbanlar sanı artıwı múmkinligin jasırmay atır.
Eki poezdda 400 ge jaqın jolawshı bar edi. Dem alıstan keyin Madridke qaytıp baratırǵanlar hawlıǵıw, baqırıw hám háp zamatta baslanǵan tártipsizlikten albıraǵan.
“Renfe” kompaniyasına tiyisli poezd soqlıǵısıw waqtında saatına 200 kilometr tezlikte háreketlengen. Qaytıs bolǵanlar arasında mashinist te bar. Apatshılıq sebebi házirshe belgisiz.

Musulmon Ziyo, ÓzA