Shımbay rayonı «Insan» sociallıq xızmetler orayı tárepinen xalıqtı sociallıq qollap-quwatlaw, máhállede kompleksli sociallıq xızmetler kórsetiwshi qánigelerdiń jumısı ushın zárúr sharayatlardı jaratıw jolında ámeliy jumıslar dawam ettirilmekte.
Atap aytqanda, xalıqqa xızmet kórsetiw processlerin sanlastırıw, jumıs nátiyjeliligin arttırıw hám qánigelerdi zamanagóy texnika quralları menen támiyinlew maqsetinde, Shımbay rayonı hákimligi tárepinen máhállelerdegi sociallıq xızmet kórsetiwshi 22 xızmetkerge 22 zamanagóy kompyuter tapsırıldı.
– Alıp barılıp atırǵan bul jumıslar oray xızmetkerleriniń jumıs nátiyjeliligin arttırıw, xalıq penen islesiw processlerin sanlastırıw jáne múrájatlardı jedel hám sapalı kórip shıǵıw imkaniyatın beredi,-deydi rayonı hákiminiń orınbasarı A.Utemisov.

Adilbay Orazov,
Qaraqalpaqstan xabar agentligi sholıwshısı