BMSh Bas xatkeri Antoniu Guterrish dúnya jetekshilerine ashıq hám keskin múrájat jolladı: xalıqaralıq birge islesiw dárejesi bilqastan bosańlastırılmaqta. Onıń sózlerine bola, xalıqaralıq huqıqtıń ashıqtan-ashıq buzılıwı hám geosiyasiy qarama-qarsılıqtıń kúsheyiwi globallıq sistema tırnaǵın lárzege salmaqta.
Bizge belgili, Guterrish 2026-jıldıń aqırında lawazımınan ketedi. Ol sońǵı jıllıq esabat shıǵıp sóylegen sózinde dúnya “óz-ózin jemirip atırǵan bóliniw” iyrimine túsip qalǵanın atap ótti. Belgili bir mámleketlerdiń atın keltirmesede, rawajlanıw hám gumanitarlıq járdemniń qısqarǵanın keskin sınǵa alıp, bul BMSh institutlarınıń jumısına tikkeley soqqı berip atırǵanın jasırmadı.
– Eń zárúr payıtta, biz xalıqaralıq birge islesiw sistemasınan júdá tómen paydalanıp atırmız, – dedi rásmiy.
Guterrish BMSh Gaza, Ukraina hám Sudanda tınıshlıq ornatıw jolındaǵı háreketten bas tartpaytuǵının bildirdi. Áyne iri kelispewshilikler struktura jumısına mór bolıp tústi. Sınshılar bolsa shólkemdi kelispewshiliklerdiń aldın alıwda ázzi, dep bahalamaqta. Qáwipsizlik keńesi AQSh, Rossiya hám Qıtay arasındaǵı keskinlik sebepli láń jaǵdayda.
BMSh basshısı Gazaǵa gumanitarlıq járdem irkinishsiz jetip barıwı, Ukrainada urıstı toqtatıw ushın bar imkaniyat iske qosılıwı, Sudanda sóylesiwdi qayta baslaw zárúr ekenligin jáne bir márte tákirarladı.
Bayanatınıń juwmaǵında Guterrish jasalma intellekt tarawındaǵı qıyınshılıqlar qáwpi hám tereńlesip baratırǵan teńsizlikke qarsı globallıq kólemde ilaj kóriwge shaqırdı. Qullası, jetekshiniń kózqarası anıq: birge islesiw buzılsa, aqıbetin pútkil insaniyat sezedi.

Musulmon Ziyo, ÓzA