Joqarı bilimlendiriw, ilim hám innovaciyalar ministrliginiń xabarına bola, 2025-2026-oqıw jılı ushın Ózbekstan Respublikası Prezidenti hám basqa da belgili mámleketlik stipendiyaları boyınsha respublikalıq basqısh tańlawları 22-29-yanvar kúnleri ótkeriledi.
Bul stipendiyalarǵa talaban bolǵan jaslar hújjetlerin ótken jıldıń 1-15-noyabr kúnleri my.edu.uz elektron platforması arqalı tapsırǵan edi. Elimiz boylap 98 joqarı bilimlendiriw mákemesinen 700 den aslam qábiletli studentler tańlawda qatnasıw tilegin bildirgen.
Hújjetlerdi dáslepki kórip shıǵıw procesinde ayırım talabanlardıń hújjetlerinde kemshilikler anıqlanǵan. Házirgi waqıtta bul kemshiliklerdi saplastırıw ushın jumısshı topar tárepinen tiyisli jumıslar alıp barılmaqta.
Sonlıqtan, Prezident hám atlı mámleketlik stipendiyalar boyınsha respublikalıq basqısh tańlawları 2026-jıldıń 22-29-yanvar kúnlerine belgilendi. Bul tańlaw qábiletli jaslar ushın óz bilim hám potencialın kórsetiwde áhmietli imkaniyat bolıp xızmet etedi.

N.Raxmanova,
ÓzA