Hár bir tarawdıń rawajlanıwı reformalardıń nátiyjeli alıp barılıwına hám keleshektegi rejelerdiń belgilengen tártipte turmısqa engiziliwine baylanıslı.
Sport ministrligi oraylıq apparatınıń shólkemlestiriwshilik strukturası hám 2026-jılı ótkeriliwi rejelestirilip atırǵan jarıslardıń mazmunına baǵıshlanǵan májiliste bul haqqında sóz boldı.
Ózbekstan Respublikası sport ministri A.Ikromovtıń basshılıǵında ótkerilgen májiliste Sport ministrligi oraylıq apparatınıń shólkemlestiriw strukturasına kirgiziliwi rejelestirilgen ózgerisler, usı jılı elimizde hám sırt elde ótkeriletuǵın xalıqaralıq jarıslardıń joybarı kórip shıǵıldı. Hár bir másele boyınsha juwapkerlerdiń esabatları tıńlandı.
Dodalawlar procesinde denetárbiya hám sport tarawında ashıq-aydınlıqtı támiyinlew, xalıqaralıq jarıslarda Watanımız abırayın qorǵaytuǵın sportshılar, saylandı komandalarǵa zárúr sharayatlar jaratıw, jáhán sport maydanlarında Ózbekstan atın ulıǵlaw tiykarǵı wazıypa ekeni atap ótildi.
Sonday-aq, májiliste elimizde jolǵa qoyılǵan ǵalabalıq sport jarısları arqalı sheber sportshılardı anıqlaw sistemasındaǵı reformalar, maman trener hám qánigelerdiń tájiriybesin keńnen en jaydırıw sıyaqlı temalar tallandı.
Juwapkerlerge anıq wazıypalar júklendi.

T.Rwziev, ÓzA