Iran derlik bes saat dawamında hawa maydanın jawıp turǵannan soń, xalıqaralıq hám ishki párwazlardı qayta baǵdarladı. Waqıtsha jabılıw AQSh hám Iran arasındaǵı itimallı áskeriy háreket qáwpi sebepli júz bergen edi.
Hawa aymaǵı jergilikli waqıt penen saat 17:15 te jabılıp, tek ǵana ruqsat alınǵan xalıqaralıq párwazlar ámelge asırıldı. “Flightradar24” maǵlıwmatına bola, “Mahan Air”, “Yazd Airways” hám “AVA Airlines” kompaniyalarına tiyisli bes reys penen tánepis juwmaqlandı.
Bul retki jaǵdayda da aldınǵı háptedegi sheklewge uqsas jaǵday baqlandı. Yaǵnıy, kóplegen samolyotlar mámleket ústinen párwaz etti. Málim bolıwınsha, Qurama Shtatlar rásmiyleri ayırım áskeriy xızmetkerlerdi Jaqın Shıǵıstaǵı bazalardan qaytaratuǵının málim etken. Iran bolsa AQSh hújim etse, Amerika bazaları nıshanaǵa alınıwı múmkin ekenliginen eskertti.
“Safe Airspace” saytına bola, jaǵday ayrıqsha áskeriy háreket qáwpin júzege keltiriwi, puqaralıq párwazlar ushın qáwip payda etiwi múmkin.

Musulmon Ziyo, ÓzA