Respublikamızdı social-ekonomikalıq jaqtan rawajlandırıw jolında alıp barılıp atırǵan keń kólemli reformalar qatarında jollardı ońlaw hám jańadan salıw jumısları jedellik penen alıp barılmaqta. Tarawda alıp barılıp atırǵan jumıslar qatarında bir qansha jaqsı nátiyjelerge erisilmekte.
Prezidentimizdiń 2024-jıl 24-dekabrdegi “2025-2027-jıllarda Ózbekstan Respublikasınıń sociallıq hám óndirislik infrastrukturasın rawajlandırıw ilajları haqqında”ǵı qararı tiykarında Xalıqaralıq áhmiyettegi A380 “Ǵuzar-Buxara-Nókis-Beynew” avtomobil jolınıń 718-723-kilometrler aralıǵındaǵı bólegi rekonstrukciyalanıp, paydalanıwǵa tapsırıldı. Bul jol bólegi Ámiwdárya rayonı aymaǵınan ótedi.
Rekonstrukciya jumısları nátiyjesinde avtomobil jolınıń texnikalıq jaǵdayı jaqsılanıp, háreket qáwipsizligi hám transport aǵımınıń úzliksizligi támiyinlendi.

Qaraqalpaqstan xabar agentligi