Búgin elimizde keń túrde belgilenip atırǵan 14-yanvar – Watan qorǵawshıları kúni hám Qurallı Kúshlerimiz dúzilgeniniń 34 jıl tolıwı múnásibeti menen Nókis rayonında da bayram ilajı bolıp ótti.
Bayram keshesinde rayon hákimi Z.Zaytov shıǵıp sóylep, áskeriy taraw xızmetkerlerdi, veteranlar hám bayram qatnasıwshıların sáne múnásibeti menen qızǵın qutlıqladı.
Prezidentimiz tárepinen insan qádirin ulıǵlaw, Qurallı Kúshlerdi bekkemlew, xalqımızdıń tınıshlıǵı hám qáwipsizligin, mámleketimiz shegaralarına qol qatılmaslıǵın támiyinlew, sonıń menen birge taktikalıq hám de strategiyalıq wazıypaların nátiyjeli sheshiwge ılayıq bolǵan, zamanagóy, hár tárepleme jaqsı qurallanǵan milliy armiyanı jáne de jetilistiriw boyınsha salmaqlı jumıslar alıp barılıp atırǵanlıǵın atap ótti.
Bunnan soń, 71181-sanlı áskeriy bóliminiń oficer hám serjantları, rayonlıq Qorǵanıw bólimi xızmetkerlerine rayon hákimligi tárepinen estelik sawǵalari tapsırıldı.
Bayram ilajı rayonlıq mádeniyat bólimi tárepinen tayarlanǵan koncert baǵdarlaması menen dawam etti.

Qaraqalpaqstan xabar agentligi