Xojeli rayonında 14-yanvar – Watan qorǵawshıları kúni hám Ózbekstan Respublikası Qurallı Kúshleri dúzilgeniniń 34 jıllıǵı múnásibeti menen saltanatlı bayram ilajı bolıp ótti. Ilajda rayon hákimi J.Ermashev, rayon prokurorı A.Xalimov, Mámleketlik salıq inspekciyasınıń baslıǵı A.Smamutov, huqıq qorǵaw uyımları hám áskeriy taraw xızmetkerleri qatnastı.
Saltanatlı keshede rayon hákimi J.Ermashev shıǵıp sóylep, mártlik, batırlıq hám Watansúyiwshilik pazıyletlerin ózinde jámlegen barlıq pidayılarǵa tereń húrmet hám minnetdarshılıq bildirip, olardıń juwapkershilikli xızmeti Jańa Ózbekstannıń turaqlı rawajlanıwı hám bekkem keleshegi jolında úlken áhmiyetke iye ekenin atap ótip, bársheni bayram menen qutlıqladı. Bunnan soń, taraw xızmetkerlerine húrmet jarlıqları hám estelik sawǵaları saltanatlı túrde tapsırıldı. Bayram ilajı rayonlıq mádeniyat bólimi tárepinen tayarlanǵan koncert baǵdarlaması menen dawam etti.

Qaraqalpaqstan xabar agentligi