Iranda ekonomikalıq mashqalalar sebepli kelip shıqqan narazılıq kóterilislerinde qaytıs bolǵanlardıń sanı 646 adamǵa jetti.
Xabarlarǵa bola, 31 aymaqta bolıp ótken narazılıq kóterilislerinde 505 kóterilisshi, 133 qáwipsizlik xızmetkeri hám bir prokuror qaytıs bolǵan. Kóterilisler waqtında qamaqqa alınǵanlardıń ulıwma sanı 10 mıńnan artqan.
Atap ótiliwinshe, dawam etip atırǵan tınıshsızlıqlarda mıńlaǵan adamlar jaraqatlanǵan. Jaraqatlardıń kópshiligi rezina oqlar hám metall sharlar qollanılıwı nátiyjesinde kelip shıqqan. Biraq Iran rásmiyleri narazılıq kóterilisleri waqtında qaytıs bolǵanlar hám jaraqatlanǵanlar sanı haqqında ele hesh qanday bildiriw bermegen.
Esletip ótemiz, Irandaǵı narazılıq kóterilisleri 2025-jıl 28-dekabr kúni Tegerandaǵı tariyxıy Úlken bazarda bolıp ótti. Sawdagerler milliy valyutanıń sırt el valyutalarına salıstırǵanda keskin tómenlewi hám ekonomikalıq qıyınshılıqlardıń kúsheyiwi sebepli narazılıq kóterilislerin basladı. Narazılıqlar tez arada mámleket boylap kóplegen qalalarǵa tarqaldı.
Ásirese, 8-yanvar kúni Tegerandaǵı narazılıq kóterilisleri keskin háwij aldı. Tártipsizlikler waqtında kóterilisshiler avtobuslar hám tez járdem mashinaları, 24 turaq jay imaratları, 25 meshit, 2 emlewxana, 26 bank hám basqa da mámleketlik hám jámiyetlik imaratlar sıyaqlı kóplegen imaratlardı órtep, wayran etti.

G.Sattorova, ÓzA