Ullı Britaniya húkimeti Franciya hám Germaniya sıyaqlı Evropa Awqamı mámleketleri menen Grenlandiyaǵa ásker jaylastırıw boyınsha sóylesiw alıp barmaqta, dep xabar berdi “The Telegraph” dereklerge súyenip.
Xabarda atap ótiliwinshe, Evropa áskeriy basshıları Grenlandiyadaǵı NATO missiyası ushın reje islep shıqpaqta. Bul hújjet atawǵa ásker, keme hám áskeriy samolyot kirgiziliwin názerde tutadı. Reje házirgi waqıtta dáslepki basqıshta ekeni aytılǵan.
Atap ótiliwinshe, áskeriy qatnasıwdı kóbeytiwden gózlengen maqset Grenlandiyanı Rossiya hám Qıtaydan qorǵaw bolıp esaplanadı. Dereklerge bola, Ullı Britaniya Bas ministri Kir Starmer qáwipti “júdá qatań” qabıl etken hám shara kóriw zárúrligine razı bolǵan.
Evropa mámleketleri NATO áskerlerin jaylastırıw qararı AQSh Prezidenti Donald Tramptı Grenlandiyanı iyelew rejesinen waz keshiwge shaqıratuǵınına úmit etpekte.
Maqalada EA bir waqıttıń ózinde Tramp Grenlandiyaǵa NATO áskerlerin kirgiziw usınısın biykar etse, “Google”, X, “Microsoft” hám “Meta”, sonday-aq, ayırım bankler hám finans kompaniyalarına sankciya qollanıw rejesin islep shıǵatuǵını da atap ótilgen.

S.Rahimov, ÓzA