“Jeńis parki” estelik kompleksinde Watan tınıshlıǵı jolında xızmet wazıypasın orınlaw waqtında qaharmanlarsha qaytıs bolǵan pidayı gvardiyashılardıń esteligine baǵıshlanǵan “Biziń qaharmanlar” kitabınıń prezentaciyası bolıp ótti. Bul ruwxıy ilaj mártlik, erlik hám sadıqlıq tımsalı bolǵan el perzentlerin eske alıwǵa baǵıshlandı.
Shıǵarmada Milliy gvardiya sistemasında xızmet etip, xızmet wazıypasın orınlaw waqtında janın pidá etken márt ullardıń ómir jolı, mártligi hám Watanǵa bolǵan sadıqlıǵı sáwlelengen.
Eslew kitabınıń prezentaciyasında Milliy gvardiya sárkardalıǵı wákilleri, Ózbekstan Jazıwshılar awqamınıń aǵzaları, veteranlar, qaytıs bolǵan gvardiyashılardıń shańaraq aǵzaları, gvardiyashılar hám oqıwshı-jaslar qatnastı. Ilajda shıǵıp sóylegenler qaharmanlardıń esteligi bárqulla xalıq qálbinde jasaytuǵının, olardıń mártligi bolsa jas áwlad ushın ómir mektebi ekenin ayrıqsha atap ótti.
Máresim dawamında Watanǵa sadıqlıq, pidayılıq hám parızǵa sadıqlıq túsinikleri joqarı qádiriyat sıpatında tán alındı. Qaharmanlardıń ómiri haqqında sóz bolar eken, tınıshlıq ańsatlıq penen kelmeytuǵını, onı saqlaw bolsa hár bir áwladtıń muqaddes minneti ekeni atap ótildi.
“Biziń qaharmanlar” estelik kitabı tek ǵana estelik emes, al keleshek áwlad ushın ibrat mektebi bolıp xızmet etedi. Ol mártlikke shaqıradı, Watanǵa muhabbattı bekkemleydi hám eldiń tınıshlıǵı jolında janın pidá etken qaharmanlardıń esteligin máńgilestiredi.

N.Rahmonova, U.Twxtaev (video), ÓzA