Prezidentimiz Oliy Majlis hám Ózbekstan xalqına jollaǵan Múrájatında elimizde tınıshlıq hám turaqlılıqtı, milletler hám dinleraralıq doslıq hám awızbirshilikti bunnan bılay da bekkemlew máselesine itibar qaratıp, Qurallı Kúshlerdiń jawıngerlik potencialın arttırıw ushın barlıq zárúr ilajlardı ámelge asırıw zárúrligin atap ótti.
14-yanvar – Watan qorǵawshıları kúni, Ózbekstan Respublikası Qurallı Kúshleri dúzilgeniniń 34 jıllıǵı múnásibeti menen Senatta shólkemlestirilgen seminarda usı haqqında sóz etildi.
Qorǵanıw hám qáwipsizlik máseleleri komitetiniń baslıǵı Q.Burhonov keyingi jıllarda elimizde alıp barılıp atırǵan keń kólemli reformalar sebepli Qurallı Kúshler mámleketlik ǵárezsizlik, shegaralardıń qol qatılmaslıǵı, xalqımızdıń tınısh hám tatıw turmısın támiyinlewdiń haqıyqıy kepilligine aylanıp baratırǵanın atap ótti.
Áskeriy xızmetkerlerdiń jawıngerlik hám ruwxıy tayarlıǵı úzliksiz artıp barmaqta. Milliy armiyamız jaslardı watansúyiwshilik ruwxında tárbiyalawda mártlik hám abıray mektebine aylandı. Eń áhmiyetlisi, xalıq penen armiyanıń jaqınlasıp atırǵanı áskeriy tarawdıń rawajlanıwına jańasha kúsh hám sapa baǵıshlamaqta.
Senatorlar milliy armiyamızdıń elimizdiń tınıshlıǵın, ǵárezsizligin hám qáwipsizligin támiyinlewdegi ornı jáne zamanagóy qáwip-qáterler sharayatında joqarı nızam shıǵarıwshı uyımnıń jaratılǵan huqıqıy tiykarların jetilistiriw baǵdarındaǵı juwapkershiligin ayrıqsha atap ótti.
Sonday-aq, qaytıs bolǵan áskeriy xızmetkerlerdiń esteligine, Ekinshi jer júzilik urıs jıllarında fashizmge qarsı gúresiwde qatnasqan watanlaslarımızdıń ólmes mártligine tereń húrmet-izzet bildirildi.

ÓzA