Ózbekstan Respublikası Prezidentiniń 2025-jıl 8-sentyabrdegi “Mektepten tısqarı bilimlendiriwdi jańa basqıshqa alıp shıǵıw haqqında”ǵı qararına tiykarlanıp, “Bárkamal áwlad” balalar mektepleri bazasında “Keleshek” orayları shólkemlestirilmekte.
Usı múnásibet penen Qaraqalpaqstan Respublikası “Keleshek orayı” direktorı R.Tashimov, oray xızmetkerleri hám oqıwshılardıń ata-analarına qarardıń áhmiyeti hám oraydaǵı imkaniyatlar boyınsha keń túrde túsinik berdi.
Keleshekte bul orayda 7 baǵdarda 23 dógerek ashıw rejelestirilip, oqıwshı jaslarǵa qosımsha bilim hám kásip-óner úyretiw jolǵa qoyıladı.
Ilaj sońında bir qatar belsendi oqıwshılardıń ata-analarına Húrmet jarlıqları tapsırıldı.

Qaraqalpaqstan xabar agentligi