Mútáj shańaraqlarǵa elektr energiyası boyınsha ayına bazalıq normadan artıq 150 kVt/saatqa shekem, sonday-aq, tábiyǵıy gaz boyınsha jılıtıw máwsiminde 250 kub metrge shekem (jılıtıw máwsiminen tısqarı aylar ushın 150 kub metrge shekem) artıq paydalanılǵan bólegi ushın bazalıq norma sheńberindegi hám bazalıq normadan artıq bolǵan tarifler arasındaǵı ayırmashılıq kompensaciya etip berilmekte.
Sociallıq qorǵaw milliy agentligi maǵlıwmatlarına bola, 2025-jıl 1-maydan baslap elektr energiyası hám tábiyǵıy gazden paydalanıw boyınsha bazalıq normadan artıq paydalanǵan 562,9 mıń járdemge mútáj shańaraqqa jámi 41,6 milliard sum kompensaciya pulı tólep berildi.
Sonnan, elektr energiyası ushın – 30 milliard sum, tábiyǵıy gaz ushın – 11,6 milliard sum ajıratıldı.
Sonday-aq, 2024-2025-jılǵı jılıtıw máwsimi dawamında elektr energiyası hám tábiyǵıy gaz tutınıwı boyınsha bazalıq normadan artıq paydalanǵan 207 mıń 962 járdemge mútáj shańaraqqa jámi 23,3 milliard sum kompensaciya qarjıları tólep berilgen.
Bunnan tısqarı, 2025-jıl noyabr ayında da 1 million 161 mıńnan aslam járdemge mútáj shańaraqlarǵa 1,2 trillion sum muǵdarında bir mártelik materiallıq járdem kórsetildi.
Ajıratılǵan materiallıq járdemler esabınan puqaralar jılıtıw máwsimi ushın kómir rezervin jaratıw, elektr energiyası hám tábiyǵıy gaz ushın tólemlerdi ámelge asırıw imkaniyatına iye boldı. Bul bolsa járdemge mútáj xalıqtıń qárejetlerin azaytıwǵa xızmet etpekte.

Sh.Mamaturopova, ÓzA