Xalıqaralıq shaxmat federaciyası (FIDE) tárepinen mámleketimizdiń qábiletli shaxmatshısı Sarbinaz Begmuratovaǵa hayal-qızlar arasında FIDE sport sheberi ataǵı berildi.
Sarbinaz bul ataqtı 12 jasında qolǵa kirgizip, Ózbekstan shaxmatı tariyxında hayal-qızlar arasındaǵı eń jas FIDE sport sheberi sıpatında tariyxqa kirdi.
Maǵlıwmat ushın aytar bolsaq, 2019-jılı jáne bir qábiletli shaxmatshımız Umida Amanova 13 jasında usı ataqqa erisken edi.

Adilbay Orazov,
Qaraqalpaqstan xabar agentligi sholıwshı