Ullı Britaniyada fastfud hám zıyanlı taǵamlar reklamalarına sheklewler kúshke kirdi.
5-yanvardan baslap Britaniya televideniesinde fastfud reklamasına tek 21:00 den keyin ruqsat beriledi, internette bolsa pútkilley qadaǵan etiledi. Ilaj balalardı densawlıq ushın zıyanlı awqatlanıw úgit-násiyatlawdan qorǵawǵa qaratılǵan.
Sheklewler quramında qumsheker, may hám duz muǵdarı joqarı bolǵan 13 kategoriyadaǵı ónimlerge tiyisli. Atap aytqanda, qosımsha qumsheker qosılǵan ishimlikler (sonıń ishinde, yogurtlar), chipsler, duzlı krekerler hám pecheneler, mákke jarmaları hám basqa da qumshekerli “tayar” azanǵı awqatlar, popkorn, shokolad, saqqız, muzqaymaq, qumshekerli, picca hám muzlatılǵan taǵamlar usılardıń qatarına kiredi.
Atap ótiliwinshe, mekteptiń birinshi klasına ótken balalardıń 22 procenti artıqsha salmaqqa iye, pitkeriwshiler arasında bolsa bul kórsetkish 35 procentten artadı. Kóbinese 5 jastan 9 jasqa shekem bolgan balalar nadurıs awqatlanıw sebepli stomatologiyalıq mashqalalar sebepli emlewxanalarga jatqarıladı.

Qaraqalpaqstan xabar agentligi